Mae ScoutsCymru yn falch o gefnogi Neges Heddwch ac Ewyllys Da Urdd Gobaith Cymru eleni, gan atgyfnerthu galwad bwerus gan bobl ifanc yng Nghymru i gydnabod a diogelu ieithoedd lleiafrifol ledled y byd.
Cafodd y Neges Heddwch ac Ewyllys Da ei rhannu gyntaf ym 1922, ac mae’n cael ei chreu’n flynyddol gan bobl ifanc yng Nghymru a’i hanfon at eu cyfoedion ar draw y byd ar 19 Mai. Mae neges eleni yn tynnu sylw at bwysigrwydd ieithoedd lleiafrifol wrth lunio hunaniaeth, diwylliant a chysylltiad, a’r angen brys i’w diogelu ar gyfer cenedlaethau’r dyfodol.
Gyda dros 7,000 o ieithoedd yn cael eu siarad ledled y byd a nifer mewn perygl o ddiflannu, mae neges 2026 yn taflu goleuni ar y rôl y mae iaith yn ei chwarae wrth helpu pobl i deimlo eu bod yn cael eu gweld, eu clywed a’u bod yn perthyn.
Fel sefydliad sy’n cefnogi bron i 14,000 o bobl ifanc ledled Cymru, mae ScoutsCymru yn cydnabod pwysigrwydd rhoi llais a llwyfannau fel hyn i bobl ifanc, lle mae’r llais hwnnw’n cael ei glywed ymhell y tu hwnt i Gymru.
Ar yr un pryd, mae ScoutsCymru wrthi’n adolygu ei bolisi Cymraeg ac mae wrthi’n casglu barn o bob rhan o’r mudiad. Mae’r gwaith hwn yn canolbwyntio ar sicrhau bod ymagwedd y sefydliad tuag at yr iaith Gymraeg yn adlewyrchu profiadau, anghenion ac uchelgeisiau ei bobl ifanc a’i wirfoddolwyr ledled Cymru.
Dywedodd Lowri Williams, Arweinydd Ieuenctid Cymru:
“Rydyn ni’n falch o sefyll ochr yn ochr â’r Urdd i gefnogi Neges Heddwch ac Ewyllys Da eleni. Yn ScoutsCymru, rydyn ni’n gweld bob dydd pa mor bwysig yw hi i bobl ifanc deimlo eu bod nhw’n perthyn a’u bod nhw’n gallu mynegi pwy ydyn nhw. Mae iaith yn rhan enfawr o hynny.
Mae neges yr Urdd yn atgof pwerus bod pob iaith yn bwysig a bod pob person ifanc yn haeddu cael ei glywed. Mae’n rhaid gwarchod a dathlu ieithoedd lleiafrifol oherwydd pan rydyn ni’n colli iaith, rydyn ni’n colli ffordd gyfan o weld y byd”
Ers dros ganrif, mae’r Neges Heddwch ac Ewyllys Da wedi rhoi cyfle i bobl ifanc yng Nghymru siarad yn uniongyrchol â’r byd ar y materion sydd bwysicaf iddynt, boed hynny’n newid hinsawdd a chydraddoldeb neu heddwch a hawliau dynol.
I ScoutsCymru, mae’r neges yn cyd-fynd yn agos â’i ymrwymiad i sicrhau bod gan bob person ifanc le lle maen nhw’n perthyn, y gallan nhw ddatblygu sgiliau ar gyfer bywyd, a theimlo’n hyderus yn pwy ydyn nhw, gan gynnwys trwy ddefnyddio a dathlu’r iaith Gymraeg.
Mae ScoutsCymru yn annog ei aelodau, gwirfoddolwyr a phartneriaid i rannu a chefnogi’r neges pan gaiff ei rhyddhau’n fyd-eang ar 19 Mai, gan helpu i sicrhau ei bod yn cyrraedd cynifer o bobl â phosibl.
ScoutsCymru is proud to support this year’s Peace and Goodwill Message from Urdd Gobaith Cymru, amplifying a powerful call from young people in Wales to recognise and protect minority languages across the world.
First shared in 1922, the Peace and Goodwill Message is created annually by young people in Wales and sent to their peers globally on 19 May. This year’s message highlights the importance of minority languages in shaping identity, culture and connection, and the urgent need to safeguard them for future generations.
With over 7,000 languages spoken worldwide and many at risk of disappearing, the 2026 message shines a light on the role language plays in helping people feel seen, heard and that they belong.
As an organisation supporting nearly 14,000 young people across Wales, ScoutsCymru recognises the importance of giving young people a voice and platforms like this, where that voice is heard far beyond Wales.
At the same time, ScoutsCymru is currently reviewing its Welsh language policy and is in the process of gathering views from across the movement. This work is focused on ensuring the organisation’s approach to the Welsh language reflects the experiences, needs and ambitions of its young people and volunteers across Wales.
Lowri Williams, Wales Youth Lead said:
“We are proud to stand alongside the Urdd in supporting this year’s Peace and Goodwill Message. At ScoutsCymru, we see every day how important it is for young people to feel they belong and can express who they are. Language is a huge part of that.
The Urdd’s message is a powerful reminder that every language matters and every young person deserves to be heard. Protect and celebrate minority languages because when we lose a language, we lose a whole way of seeing the world”
The Peace and Goodwill Message has, for more than a century, given young people in Wales the opportunity to speak directly to the world on the issues that matter most to them, whether that’s climate change and equality or peace and human rights.
For ScoutsCymru, the message closely aligns with its commitment to ensuring every young person has a place where they belong, can develop skills for life, and feel confident in who they are, including through the use and celebration of the Welsh language.
ScoutsCymru is encouraging its members, volunteers and partners to share and support the message when it is released globally on 19 May, helping to ensure it reaches as many people as possible.
